 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Іржавымі асеньнімі лістамі
На мне замкнецца смутку паласа..
Ды радаваць цябе не перастану:
Глядзі, якая шчырая вясна!
Заціснуўшы вярэдлівую рану,
Паверу ў невымернасьць дабраты
I радаваць цябе не перастану:
Паглянь, якія шчодрыя жыты!
Няхай нас выпрабоўвае расстаньне,
Зьбівае з ног акляты суравей,
Мы радавацца дню не перастанем:
Хіба Радзіма ёсьць яшчэ сьвятлей?
О век, ты пахнеш порахам і бэзам,
Няўсьцерп зямлі звышспапяляльны груз.
I хто скрыгоча там тупым жалезам?!
Зь любові мы. I ў гэтым наш саюз.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
